چی روویدا: بومەلەرزەیەکی بەهێز باشوری رۆژئاوای چینی هەژاند و بەگوێرەی ئامارەکان تاوەکو ئێستا 36 کەس گیانیان لەدەستدا.

کێ وتی: روپێوی جیۆلۆجی ئەمەریکا: بەرە بەیانی ئەمڕۆ بومەلەرزەیەکی بەهێز بە پلەی 7.1 رێختەر، لە باشوری رۆژئاوای چین، ناوچەی تیبتی هەژاندوە، بەشێک لە نیپاڵ و هیندستان هەستیان بە بومەلەرزەکە کردوە.

زیاتر: بەپێی ئامارە سەرەتاییەکان بەهۆی بومەلەرزەکەوە تاوەکو ئێستا 36 کەس گیانیان لەدەستداوە و 38ـی دیکەش برینداربون.

لەلایەکی دیکەوە: ناوەندی تۆڕەکانی بومەلەرزەزانی چین رایگەیاند، کاتژمێر 9:05 خولەکی بەیانی بە کاتی ناوخۆ رویداوە و بەهێزی 7.1 پلەی رێختەر باشوری رۆژئاوای چینی هەژاندوە.