بابەتە سەرەکیەکە: ئەمڕۆ شەممە ئەنجومەنی وەزیرانی هەرێمی کوردستان دەربارەی پرسی موچە و شایستە داراییەکانی هەرێم کۆبونەوەی نائاسایی خۆی ئەنجامدا.

لێدوانی فەرمی: لە کۆبونەوەی ئەمڕۆی ئەنجومەنی وەزیران مەسرور بارزانی، سەرۆکی حکومەتی هەرێمی کوردستان رایگەیاند، ''ئەو ڕەفتارەی ئێستا بەغدا بەرانبەر هەرێمی کوردستان دەیکات، ستەمکارانە و نادادپەروەرانەیە و قبووڵکراویش نییە."

ئاماژەی بەوەشکرد: ''دەبێت پەیوەندیەکانی نێوان حکومەتی عێراق و حکومەتی هەرێم راستبکرێنەوە و پابەندی دەستوربین.''

ئەوەشی وت: بڕیارەکانی دادگای فیدراڵی لە بەرژەوەندی حکومەتی عێراقە و هەرکاتێک بڕیارێک درابێت لە بەرژەوەندی هەرێم بوبێت بەربەستی بۆ دروستکراوە.

باسی لەوەشکرد: ''داوای مافە دەستورییەکانی خۆمان دەکەین،  خەڵکی هەرێم شایستەی ئەو دۆخەی ئێستا نین  هەموو هەوڵێک دەدەین لەمساڵدا هاوڵاتیان لە دڵەڕاوکێ و لەو دۆخە قورسە رزگاریانبێت.''