بابەتە سەرەکیەکە: جێگری سەرۆکی لیژنەی دارایی پەرلەمانی عێراق رایگەیاند، وەزارەتی دارایی فیدراڵ تەنیا 400 ملیار دیناری بۆ مووچەی مانگی 12 بۆ هەرێمی کوردستان ناردووە.

لێدوانی فەرمی: ئیخڵاس دلێمی، جێگری سەرۆکی لیژنەی دارایی پەرلەمانی عێراق لە کۆنگرەیەکی رۆژنامەوانیدا رایگەیاند: پێم وایە میکانیزمێک لە نێوان حکومەتی فیدراڵ و هەرێم بۆ خەرجکردنی مووچەی مانگی 12 دەبێت، ئەگەر ساڵی داراییش کۆتایی هاتبێت، پێویستە مووچە خەرجبکرێت.

ئەمەشی وت: وەزارەتی دارایی فیدراڵ، تەنیا 400 ملیار دیناری بۆ مووچە مانگی 12، بۆ هەرێمی کوردستان ناردووە، ئەمەش کورتهێنانی بە بڕی زیاتر لە 500 ملیار دیناری دروستکردووە. 

زیاتر: بڕیاری دادگای فیدراڵی ئاشکرایە، پێویستە مووچە زامن بکرێت و باسی ئەوەی نەکردووە زامنی مووچە لە چوارچێوەی بڕگەی قەرەبووکردنەوەی فەرمانبەراندا بێت.

چی تر: لەگەڵ وەزیری دارایی عێراق لەبارەی شایستە داراییەکان و داهاتی نانەوتی هەرێمی کوردستان قسەمان کردوە و مووچەی مانگی 12 خەرج دەکرێت بەڵام رەنگە دوابکەوێت.