بابەتە سەرەکیەکە: سەرۆککۆماری تورکیا رایگەیاند، ئیسرائیل و بە تایبەتی ناتانیاهۆ مێژویەکی دوور و درێژیان لە پێشێلکارییەکانی ئاگربەستدا هەیە.

لێدوانی فەرمی: رەجەب تەیب ئەردۆغان سەرککۆماری تورکیا لە ئادانا بەشداری لە هەشتەمین کۆنگرەی پارتەکەیدا کرد و رایگەیاند: هەموو یارمەتییەکی پێویستی ئەو هاوڵاتیە سوریانە دەدەین کە خۆبەخشانە خوازیاری گەڕانەوەن بۆ وڵاتەکەیان و زۆرییش لە هیچ کەس ناکەین.

ئەمەشی وت: پڕۆژە دابەشکردنی سوریا بۆ سێ بەش و کردنی بە پاروویەک کە بتوانرێت بە ئاسانی قوت بدرێت، لەناوچووە.

زیاتر: سەبارەت بە فەلەستین وتی، سەرەڕای 467 رۆژ پاکتاوی ڕەگەزی و کۆمەڵکوژی، ئیسرائیل نەیتوانی ئیرادەی برایانی فەڵەستینیمان لە غەززە بشکێنێت.

چی تر: ئێمە دەزانین کە ئیسرائیل و بە تایبەتی ناتانیاهۆ مێژویەکی دوور و درێژیان لە پێشێلکارییەکانی ئاگربەستدا هەیە، ئەمجارە نابێ ڕێگەیان پێ بدەین.

وتیشی: هەموو هەوڵەکانمان بۆ بەدواداچوون بە تاکە تاکەی ئەو تاوانە مرۆیی و جەنگیانەی کە لە فەڵەستین ئەنجامدراوە، بەردەوام دەبێت و لە میانی ئاگربەستەکەشدا هەموو هەوڵەکانمان دەخەینە گەڕ بۆ ساڕێژکردنی برینەکان لە غەززە.