بابەتە سەرەکیەکە: بەرێوەبەرایەتی کەشناسى و بومەلەرزەزانی پێشبینیەکانی کەشوهەوای ئەمڕۆ و سبەی شارەکانی هەرێمی بڵاوکردەوە.

راگەیەندراوی فەرمی: بەڕێوەبەرایەتی گشتی کەشناسى و بومەلەرزەزانی هەرێم بڵاویکردەوە: ئەمڕۆ یەکشەممە، ئاسمان ساماڵ و پەڵە هەور دەبێت لەئێوارەو شەودا دەگۆڕێت بۆ نیمچە هەور و پلەکانی گەرما کەمێک بەرزدەبنەوە بەراورد بە تۆمارکراوەکانی دوێنێ.

زیاتر: سبەی دووشەممە، لەئەنجامى هاتنى کاریگەرى شەپۆلێکى باران بارین و بەفر بارین لەگەڵ بارستە هەوایەکى ساردى جەمسەری، ناوچەکەمان دەکەوێتە ژێر کەشێکى نا سەقامگیر، سەرەتا لەکاتەکانى بەرە بەیانى زوو ئاسمانى هەرێم هەور و سارد دەبێت و لەناوچە سنورییەکان لەکاتى دابارین بەفریش دەبارێت لەگەڵ زیادبوونى کاریگەرى ئەم شەپۆلە باران بارین لە سەرجەم ناوچەکان دەگرێتەوە.

چی تر: لەسەنتەرى پارێزگاى دهۆک ئەگەرى بەفر بارین هەیە و کاریگەرى ئەم شەپۆلە تا شەوى دووشەممە بەردەوام دەبێت، پلەکانی گەرماش 5 تا 8 پلە نزمدەبنەوە.