بابەتە سەرەکیەکە: مه‌سرور بارزانی، سه‌رۆكی حكومه‌تی هه‌رێمی كوردستان و ئەسعەد شەیبانی، وەزیری دەرەوەی سوریا كۆبونه‌وه.

راگەیەندراوی فەرمی: حکومەتی هەرێمی کوردستان بڵاویکردەوە، ئەمڕۆ پێنجشەممە مەسرور بارزانی سەرۆکی حکومەتی هەرێم لەگەڵ ئەسعەد شەیبانی، وەزیری دەرەوەی سوریا لە داڤۆس کۆبونەوە.

ئاماژە بەوەشکراوە: لە کۆبونەوەکەدا دۆخی گشتیی سوریا و دواین گۆڕانکارییەکان لە ناوچەکەدا تاوتوێکران هاوکات، باس لە پەرەپێدانی پەیوەندی نێوان هەردوو وڵاتکرا.

لایخۆیەوە: وەزیری دەرەوەی سوریا ئاماژەی بەوەکرد، ''کوردەکان خوشک و برای ئێمەن و پێکهاتەیەکی گرنگ و رەسەنی سوریان، دڵنیایی دەدەین کە مافەکانیان پارێزراو دەبێت."

ئەمەش هەیە: وەزیری دەرەوەی سوریا، بانگێشتی سەرۆکی حکومەتی هەرێمی کوردستانی کرد و داوایکرد سەردانی دیمەشق بکات.

هاوکات: مەسرور بارزانی باسی لەوەکردوە، "پاراستنی ئاشتیی و ئارامیی سوریا بەلای ئێمەوە زۆر گرنگە و لەمبارەیەوە ئامادەین بۆ پێشکەشکردنی هەموو پشتگیریی و هاوکارییەکی پێویست بۆ خوشک و برایانمان لە سوریا".