بابەتە سەرەکیەکە: سەرۆکی میسر وەڵامی دۆناڵد ترەمپ دەداتەوە رایگەیاند، هەرگیز ناكرێت سازش لەسەر هەڵوێستە جێگیرە مێژوییەكانی میسر بكرێت بەرامبەر كێشەی فەلەستین.

لێدوانی فەرمی: عەبدولفەتاح سیسی، سەرۆكی میسر، لە کۆنرەیەکی رۆژنامەوانیدا رایگەیاند: هەرگیز ناكرێت سازش لەسەر هەڵوێستە جێگیرە مێژوییەكانی میسر بكرێت بەرامبەر كێشەی فەلەستین، راگواستنی فەلەستینیەکان ستەمەو بەشداری لەو پرۆسەیەدا ناکەین.

ئەمەشی وت: ئەوەی دەوترێت لەبارەی گواستنەوەی فەلەستینەكان بۆ وڵاتانی دراوسێ ناكرێت ئاسانكاری بۆ بکرێت یاخود رێگەی پێبدرێت، بەهۆی كاریگەری لەسەر ئاسایشی نەتەوەیی میسر.

چی تر: چارەسەری ئەم پرسە دامەزراندنی دەوڵەتێکی فەلەستینییە کە مافی مێژویی هەبێت لەسەر سنورەکانی 4ـی حوزەیرانی 1967، کە قودسی رۆژهەڵات پایتەختی بێت.

وتیشی: مافگەلێکی مێژویی هەن کە ناتوانرێت بەدەربکرێن لە بیروڕای گشتی، میسر و وڵاتانی عەرەبی و نێودەوڵەتیش پێیان وایە کە نادادپەروەرییەکی مێژویی هەیە کە ماوەی 70 ساڵە بەرامبەر گەلی فەلەستین دەکرێت و ئێمەش بەشداری تێدا ناکەین.

زیاتر: دەمانەوێت لەگەڵ سەرۆکی ئەمریکا کاربکەین بۆ گەیشتن بە ئاشتی لەسەر بنەمای چارەسەری دوو دەوڵەت.