بابەتە سەرەکیەکە: بە ئامادەبونی گروپ و لایەنەکانی ئیدارەی ئۆپراسیۆنە سەربازییەکانی سوریا، ئەحمەد شەرع، بە سەرۆکی قۆناغی راگوزەری سوریا دەستنیشانکرا.

لێدوانی فەرمی: ئەحمەد شەرع سەرۆکی قۆناغی راگوزەری سوریا وتارێکی لە ژێر ناونیشانی "وتاری سەرکەوتن " پێشکەشکرد و رایگەیاند: کاری لەپێشینەی سوریا، پڕکردنەوەی بۆشایی دەسەڵات و پاراستنی ئاشتی مەدەنی و بنیادنانی دامەزراوەکانی دەوڵەتە.

ئەمەشی وت: هەروەها کارکردنە لەسەر بنیادنانی پێکهاتەیەکی ئابوری گەشەسەندو و گەڕاندنەوەیە پێگەی نێودەوڵەتی و ناوچەیی بۆ سوریا.

زیاتر: کۆت و زنجیرەکانی رژێمی پێشومان شکاند و تەپوتۆزی شەرمەزاریمان لەسەر شام لابرد، جارێکی دیکە خۆری سوریا هەڵهات و گەشایەوە، بەبێ وێرانکاری و خوێنڕشتن سەرکەوتین.