بابەتە سەرەکیەکە: ئەنجومەنى پارێزگاکانى بەغدا، زیقار و دیوانییە بڕیاریاندا بەبۆنەى رێورەسمی بەخاکسپاردنى حەسەن نەسروڵا، ئەمیندارى پێشوى حزبوڵا سبەى بکەن بە پشو.

لێدوانی فەرمی: عەبدول موتەلیب عەلاوی پارێزگاری بەغدا رایگەیاند: بە پشتبەستن بە بڕیاری ئەنجومەنی پارێزگای بەغدا، رۆژی یەکشەممە دەوامی فەرمی لە سەرجەم فەرمانگەکان رادەگیرێت.

بۆ چی: وەک رێزلێنان و پێزانینێک بۆ مەراسیمی بەخاکسپاردنی سەید نەسروڵا، ئەم بۆنە گەورەیە پێویستی بە بەشدارییەکی فراوان و ئاسانکاری هەیە بۆ ئەوانەی ویستی بەشداریکردنیان هەیە.

هاوکات: ئەنجومەنى پارێزگاى زیقار رایگەیاند: رۆژی یەکشەممە دەوامى فەرمی رادەگیرێت و داواش دەکەین، رێوڕەسمى بەخاکسپاردنى حەسەن نەسروڵا لە شاشە سەرەکییەکانى ناو پارێزگاکەوە بگوازرێتەوە.

زیاتر: هەروەها ئەنجومەنی پارێزگای دیوانییە رایگەیاند: بڕیاردرا سبەی یەکشەممە دەوامی فەرمی رابگیرێت، بۆ ئەوەی دەرفەت بدرێت بە هاوڵاتیان بۆ بەشداریکردن لە پرسەی سەید حەسەن نەسروڵا.