بابەتە سەرەکیەکە: سەرۆکی هاوپەیمانی دەوڵەتی یاسا رایگەیاند، ئەمریکا داوای هەڵوەشاندنەوەی حەشدی شەعبی و تێکەڵکردنیان بە هێزە ئەمنییەکان کردوە.

لێدوانی فەرمی: نوری مالکی سەرۆکی هاوپەیمانی دەوڵەتی یاسا رایگەیاند: جێبەجێکردنی ئەم پلانە وڵات و بارودۆخی گشتی دەخاتە مەترسییەوە، هەروەها لە ئێستادا ژمارەی ئەندامانی حەشدی شەعبی گەیشتوەتە 260 هەزار چەکدار.

ئەمەشی وت: حەشدی شەعبی پێویستی بە پێداچونەوە هەیە بۆ ئەوەی ببێتە دەزگایەکی سەربازی هاوشێوەی دەزگا ئەمنییەکان و لەژێر فەرمانی فەرماندەی گشتی هێزە چەکدارەکاندا بێت، هاوکات ئەوەشی خستەرو، بڕیاری رەتکردنەوەکە عێراقییە و هیچ لایەنێکی دەرەکی دەستی لەم مەسەلەیە وەرنەداوە.

هاوکات: وتیشی، ئەمەریکا داوای دروستکردنی کۆمەڵگەیەکی نیشتەجێبونی بۆ خەڵکی غەززە لە بیابانی ئەنبار لە عێراق کردوە، بەڵام ئەو بابەتە لەلایەن لایەنی عێراقی و فەلەستینییەوە رەتکراوەتەوە.

چی تر: چوارچێوەی هەماهەنگی لە قۆناغی داهاتودا بەردەوام دەبێت تەنانەت ئەگەر بەڕێز سەدر بگەڕێتەوە بۆ پرۆسەی سیاسی و دەستم هەمیشە کراوەیە بۆ ئەو.