بابەتە سەرەکیەکە: فەرماندەی گشتی هێزەکانی سوریای دیموکرات – هەسەدە رایگەیاند، ئێمە بە ئەرێنی لە پەیامەکەی عەبدوڵ ئۆجەلان دەڕوانین.

لێدوانی فەرمی: مەزڵوم عەبدی فەرماندەی گشتی هێزەکانی سوریای دیموکرات – هەسەدە لەبارەی پەیامەکەی ئۆجەلانەوە لە کۆنفرانسێکی ڤیدیۆیدا لە واشنتنۆن رایگەیاند: بانگەوازەکەی بەڕێز ئۆجەلان بۆ پەکەکە بو بۆ گەریلاکانی پەکەکە بو بەشێوەیەکی راستەوخۆ بۆ ئەم ناوچەیە نەبو هەروەک چۆن پەیامی بۆ باشوری کوردستان و هەمو شوێنێکی نارد، بۆ ئێمەشی نارد.

ئەمەشی وت: رێبەری پەکەکە پەیامی بۆ ئێمەش ناردبو و بۆچونی خۆی تێدا رونکردبوەوە و ئێمەش بەشێوەیەکی ئەرێنی لێی دەڕوانین، ئاگربەستی نێوان پەکەکە و تورکیا و بەرقەراربونی ئاشتی کاریگەریی لەسەر ناوچەکەی ئێمەش هەیە و تورکیا بیانوی نامێنێت تاوەکو هێرشبکاتە سەر ناوچەکانمان.

زیاتر: ئەوەی ئێستا هەیە لەبارەی ئەوەی کە دەڵێن مافی کورد، تەنیا قسەیە و تاوەکو ئێستا گەرەنتییەکی دەستوری نییە، ئەوەی ئێمە دەمانەوێت ئەوەیە کە نەک تەنیا قسە بێت.

چی تر: دانوستاندنەکانمان لەگەڵ دیمەشق بەردەوامن و هێزەکانی هاوپەیمانیی نێودەوڵەتیش نێوەندگیری دەکەن.