بابەتە سەرەکیەکە: پسپۆڕێکی نەخۆشیەکانی دڵی منداڵان دەڵێت، ئەگەر نەخۆشەکە شین بونەوەی هەبو یان زو زو توشی هەوکردنی کۆئەندامی هەناسە بو پێویستە پشکنینی ئیکۆی دڵی بۆ ئەنجامبدرێت.

کێ وتی: د.محمد کریم مصطفی هەورامی پسپۆڕی نەخۆشیەکانی دڵی منداڵان و قەستەرە و ئیکۆی دڵ، سەبارەت بەوەی کە کەی پێویستە پێویستە پشکنینی ئیکۆی دڵ بۆ منداڵان ئەنجامبدرێت بەمشێوەیە زانیاری خستوەتەرو؛

کەی پێویستە پشکنینی ئیکۆی دڵ ئەنجامبدرێت؛

- ئەگەر نەخۆشەکە شین بونەوەی هەبو.

- ئەگەر زو ماندو بو یان هەناسەی توند بو یان هەناسەی خێرا بو لە کاتی شیرخواردن یان یاریکردن.

- دواکەوتنی گەشەی منداڵ بەتایبەتی ئەگەر کێشی زیادی نەکرد.

- زو زو توشی هەوکردنی کۆئەندامی هەناسە ببێ.

-  لە پشکنیندا دەرکەوت دەنگی ناسروشتی لەگەڵ لێدانی دڵی هەیە.

- ئەگەر یەکێک لە باوانی منداڵەکە یان منداڵێکی تری ئەو خێزانە نەخۆشی زگماکی دڵی هەبو وەک کونی دڵ.

- ئەگەر دایکی منداڵەکە نەخۆشی شەکرەی هەبێ یان دەرمانی بەکارهێنابێ لەکاتی سکپڕێ بەبێ رێنمای پزیشک.

- ئەگەر منداڵەکە تێکچونێکی زگماکی تری هەبێ وەک لێوی کەروێشکی و کونی مەڵاشو یان پەنجەکانی ناڕێک بن یان زیادبن.

- ئەگەر نەخۆشەکە ناڕێکی جینات یان ناڕێکی کرۆمۆسۆمی هەبێ وەک منداڵی داون (مەنگۆلی).

چارەسەری ئەم نەخۆشیانە چیە بەشێوەیەکی گشتی؟

- بەشێکی زۆریان تەنها چاودێری ئەکرێن لەلایەن پزیشکی پسپۆڕی نەخۆشیەکانی دڵ و بەتەواوەتی چاک ئەبنەوە یان ماکی تریان لێ دەر ئەکەوێ و چارەسەری پێویستیان بۆ دائەنرێت.

- ئەکرێ لە رێگەی دەرمانەوە چارەسەری نەخۆشیەکە بکرێ بۆ هەندێکی تایبەتی ئەم نەخۆشیانە.

- قەستەرەی دڵی منداڵان یەکێکە لە تازەترین و پێشکەوتوترین ڕێگەکانی چارەسەر و هەڵبژاردەی یەکەمە پێش نەشتەرگەری دڵی کراوە.

- نەشتەرگەری دڵی کراوە بۆ حاڵەتە قورسەکان و ئاڵۆزەکان.