بابەتە سەرەکیەکە: جەڵتەی بچوکی مێشک، کاتێک رودەدات کە رۆیشتنی خوێن بۆ مێشک بۆ ماوەیەکی کورت دەوەستێت.

سەرچاوە: پێگەی تایمز ئۆف ئیندیا بڵاویکردەوە: جەڵتەی بچوکی مێشک، کاتێک رودەدات کە ڕۆیشتنی خوێن بۆ مێشک بۆ ماوەیەکی کورت دەوەستێت، ئەمەش دەبێتە هۆی نیشانە کتوپڕەکانی هاوشێوەی جەڵتەی مێشک کە بەزۆری چەند خولەکێک تا کاتژمێرێک دەخایەنێت. 

زیاتر: نیشانەکانی جەڵتەی بچوکی مێشک ئەمانەن؛

- لاوازی لایەکی جەستە.

- کێشەی قسەکردن.

- سەرگێژخواردن و کێشەی بینیین.

ئەمەش هەیە: هەرگیز نابێت ئەم نیشانانە پشتگوێ بخرێن، تەنانەت ئەگەر نەمێنن، چونکە ئەم جەڵتە بچوکە نیشانەیەکی هۆشدارییە بۆ جەڵتەی گەورەی مێشک.

چی تر: هۆکارەکان؛

- بەرزبونەوەی پەستانی خوێن.

- جگەرەکێشان.

- شەکرە.

- بەرزی کۆلیسترۆڵ.

- نەخۆشییەکانی دڵ.

- تەمەن.

 - بۆماوەی خێزان.

- قەڵەوی و خۆراکی خراپ.