بابەتە سەرەکیەکە: راوێژکاری ئاسایشی نیشتمانیی ئەمریکا رایگەیاند، رۆژی یەکشەممە بە تەلەفۆن قسەی لەگەڵ محەممەد شياع سودانی، سەرۆکوەزیرانی عێراق کردوە. 

لێدوانی فەرمی: مایک واڵتز راوێژکاری ئاسایشی نیشتمانی ئەمریکا لە سەکۆی "ئێکس" رایگەیاند: جەختی لەسەر گرنگی هەنگاونان بەرە و پەیوەندییەکی پتەو لەسەر بنەمای بەرژەوەندییە ئەمنییەکان و بازگانییە هاوبەشەکان دەکەینەوە.

ئەمەشی وت: بڕیاری نوێنەکردنەوەی دەستبەرداربون لە سزاکانی سەر هەناردەکردنی کارەبای ئێران یەکدەگرێتەوە لەگەڵ ستراتیجیەتی زۆرترین فشاری سەرۆک ترەمپ لەسەر ئێران، و فشارەکان لەسەر ئێران زیاتر دەبێت ئەگەر ئێران بەردەوام بێت لە پەرەپێدانی توانای چەکی ئەتۆمی و پشتیوانیی تیرۆر لە سەرانسەری ناوچەکەدا، لەناویاندا عێراق.

هاوکات: واڵتز پێشوازی لە هەوڵەکانی سەرۆک وەزیرانی عێراق کرد بۆ بەدەستهێنانی سەربەخۆیی وزە بۆ عێراق و هانی حکومەتی عێراقی دا پێشوازی لە کۆمپانیاکانی وزەی رۆژئاوایی و ئەمریکی بکات بۆ کەرتی نەوت و گازی عێراق.

زیاتر: داوای لە حکومەتی عێراق کرد لەگەڵ حکومەتی هەرێمی کوردستان کار بکات بۆ چارەسەرکردنی ناکۆکیەکانی گرێبەستەکان و پێدانی قەرزی کۆمپانیاکانی وزەی ئەمەریکا و هەروەها داوای کرد کە حکومەتی عێراق رێکخەرێکی وەبەرهێنان بهێڵێتەوە بۆ کارکردن لەگەڵ ئەو کۆمپانیا ئەمریکیانەی کە دەیانەوێت وەبەرهێنان بکەن و لە وڵاتەکەدا کار بکەن.

چی تر: راوێژکاری ئاسایشی نیشتمانی سوپاسی سەرۆک وەزیرانی کرد، بۆ پابەندبونی بە پەیوەندییە دوقۆڵییەکانی ئەمەریکا و عێراق، هەروەها جەختی لەسەر پابەندبونی ئیدارەی ترەمپ کردەوە بۆ قوڵکردنەوەی پەیوەندییە وزە و ئابورییەکانی نێوان هەردو وڵات بۆ ئەوەی سود بە هەردو گەلی ئەمەریکا و عێراق بگەیەنێت.

National Security Advisor Mike Waltz spoke on Sunday morning with Iraqi Prime Minister Mohammed Shiaa al-Sudani. The National Security Advisor wished Prime Minister Al-Sudani a Ramadan Kareem, and expressed his concerns regarding the recent flooding in Baghdad.
⁰Mr. Waltz…

— Mike Waltz (@MikeWaltz47) March 9, 2025