بابەتە
سەرەکیەکە: بڕیارە رۆژی پێنجشەممە، كۆنفرانسی ئامادەكاری بۆ دوەمین دیداری یەكێتی
نیشتمانی كوردستان لەهەڵەبجە بەڕێوەبچێت .
لێدوانی
فەرمی: سكرتاریەتی لیژنەی باڵای دیدار بە میدیای فەرمی حزبەکەی راگەیاند، گەشتی
ئەمجارەی دیدار لە شارەزوری مەڵبەندی خەبات و تێكۆشانی بەرایی مەفرەزە
سەرەتاییەكانی شۆرشی نوێ دەبێت كە هاوكاتە لەگەڵ بیرەوەری راپەرینی گەلەكەمان.
ئەمەش
هەیە: كۆنفرانسەكەی هەڵەبجە یەكێكە لە كۆنفرانسەكانی چوارچێوەی دیداری دوەم، پێشتر
كۆنفرانسی هاوشێوە لە موسڵ، دهۆک، هەولێر، كۆیە، كەلار و خانەقین بەڕێوەچون،
تەوەرەكانی كۆنفرانس تاوتوێی سیاسەت و پرسەكانی یەكێتی دەكەن و ئەم جارەش بەشێكی
تەوەرەكان تایبەت دەبین بە خولیا و روانگەكانی كادرانی یەكێتی لە سنوری شارەزور.
ئەوەی
پێویستە بیزانیت: بە پێی پەیڕەوی ناوخۆی پەسەندكراوی كۆنگرەی پێنجەم، دیداری
یەكێتی چالاكییەكی فەرمی دەورییە و بەشێكە لە وێستگەكانی خەباتی فراوانی هەڤاڵانە،
یەكەم دیداری یەكێتی بەسەرپەرشتی قوباد تاڵەبانی لە 12ـی ئاداری 2022 دەستپێكرد و
لە 31ـی ئایاری هەمان ساڵ كۆتایی بەكارەكانی هێنا و سیاسەتەكانی یەكێتی لە بوارە
جیاجیاكاندا داڕشت و بوە بنەمایەک بۆ سیاسەتی گشتی حزب.