بابەتە سەرەکیەکە: بەڕێوەبەرایەتی گشتی کەشناسی و بومەلەرزەزانی پێشبینییەکانی بۆ کەشوهەوای ئەمڕۆ و سبەی شارەکانی هەرێم بڵاوکردەوە.

راگەیەندراوی فەرمی: به‌ڕێوه‌به‌رایه‌تی گشتی كه‌شناسی و بومه‌له‌رزه‌زانی رایگەیاند: ئه‌مڕۆ دوشەممە، ئاسمان هەوری تەواو دەبێت، لەگەڵ ئەگەری تاوە باران و بروسکە لەزۆربەی ناوچەکاندا لەکاتەکانی دوا نیوەرۆ و پێشبینی دەکرێت لەسەنتەری شارەکانیش ببارێت بۆ ماوەیەکی کورت خایەن وەرێژەی دابارین لەناوچەکانی رۆژهەڵات و سنوری پارێزگای سلێمانی، هەروەها ناوچەکانی بادینان زیاتر دەبێت.

هاوکات: پلەکانی گەرما، لەناوچە شاخاوییەکان بە گشتی 2 – 4 پلە نزمدەبنەوە بەراورد بە تۆمارکراوەکانی دوێنێ.

چی تر: سبەی سێشەممە، ئاسمان هەوری تەواو دەبێت لەگەل ئەگەری تاوە باران و بروسکە لەناوچە جیاجیاکانی هەرێم، زیاتر لەناوچە شاخاوییەکان و رۆژهەلات و پاشان ئاسمان بەرەو نیمچە هەور دەگۆرێت لەکاتەکانی ئێوارە کەشەکە سەقامگیر دەبێتەوە، پلەکانی گەرماش نزیکدەبنەوە لە تۆمارکراوەکانی ئەمڕۆ.