بابەتە سەرەکیەکە: سەرۆکی گشتی مەهەپە رایگەیاند، پەکەکە و باڵەکانی دەستبەجێ و بەبێ مەرج پێویستە چەکەکانیان دابنێن.

لێدوانی فەرمی: دەوڵەت باخچەلی سەرۆکی گشتی مەهەپە لەبارەی رۆژەڤی "تورکیای بێ تیرۆر" راگەیەندراوێکی بڵاوکردەوە و رایگەیاند؛ رێکخراوی پەکەکە و سەرجەم باڵەکانی دەستبەجێ و بەبێ مەرج پێویستە چەکەکانیان دابنێن و دەبێت چەکە خوێناوییەکانیان رادەستی تورکیا بکەن.

ئەمەشی وت: پێویستە ئامانجی تورکیای بێ تیرۆر دەستبەجێ بێتە دی و تیرۆر لە ژیانماندا ریشەکێش بکەین، بە پێچەوانەوە دەبێت باجی هەڵگرتنی چەکە نایاساییەکان بە قورسترین شێوە دەبێ بدەن.

زیاتر: پێویستە پەکەکە و سەرجەم باڵەکانی پابەندی بانگەوازە مێژوییەکەی عەبدوڵا ئۆجەلان بن کە لە 27ـی شوبات رایگەیاند.