بابەتە سەرەکییەکە:
نێچیرڤان بارزانی سەرۆکی هەرێمی کوردستان لەگەڵ مستەفا کازمی سەرۆکوەزیرانی پێشوی
عێراق کۆبوەوە.
راگەیەندراوی فەرمی:
سەرۆکایەتی هەرێم بڵاویکردەوە: لە کۆبونەوەکەدا هەردولا جەختیان لەسەر گرنگی
بەهێزکردنی هەماهەنگی نێوان هێز و لایەنە سیاسییەکان و پێکهاتەکانی عێراق کردەوە
بۆ روبەڕوبونەوەی ئاڵنگارییەکان و پاراستنی ئارامی وڵات و دورخستنەوەی لە ئاڵۆزییەکانی
ناوچەکە.
زیاتر: لە تەوەرێکی تری
دیدارەکەدا دەربارەی گفتوگۆی نێوان هەولێر و بەغدا بۆ چارەسەری کێشەکان، بیروڕایان
گۆڕییەوە و لەمبارەیەوە هاوڕابون لەسەر گرنگی و پێویستی بەردەوامی هەوڵەکان و
هەماهەنگی نێوان هەردولا بۆ لێکگەیشتن و چارەسەرکردنی کێشەکان.