وەزارەتی تەندروستی عیراق رایگەیاند، هه‌زار و ٢٦١ توشبوی نوێی ڤایرۆسی كۆرۆنا ده‌ستنیشانكران، هه‌روه‌ها ٣١  كه‌سیش به‌هۆی ئه‌و ڤایرۆسه‌وه‌ گیانیانله‌ده‌ستداوه‌.

به‌گوێره‌ی راگه‌یه‌ندراوێكی وه‌زاره‌تی ته‌ندروستی عێراق، له‌ماوه‌ی ٢٤ كاتژمێری رابردودا، هه‌زار و ٢٦١ توشبوی نوێی ڤایرۆسی كۆرۆنا ده‌ستنیشانكراون، كۆی توشبوانی ڤایرۆسه‌كه‌ش گه‌یشتوه‌ته‌ ١٦ هه‌زار و ٦٧٥ توشبوو.

وه‌زاره‌تی ته‌ندروستی عێراق ئه‌وه‌شی خستووه‌ته‌ڕو، هه‌ر له‌و ماوه‌یه‌دا ٣١ كه‌س به‌هۆی ڤایرۆسی كۆرۆناوه‌ گیانیانله‌ده‌ستداوه‌، به‌وه‌ش كۆی گشتی گیانله‌ده‌ستدان بۆ ٤٥٧ كه‌س به‌رزبووه‌ته‌وه‌.

وه‌زاره‌تی ته‌ندروستی و ژینگه‌ ئاماژه‌ی بۆ ئه‌وه‌شكردووه‌، هه‌ر له‌ماوه‌ی ٢٤ كاتژمێری رابردودا، ٣٥٤  كه‌س كه‌ هه‌ڵگری ڤایرۆسه‌كه‌ بون چاكبوونه‌ته‌وه‌ و نه‌خۆشخانه‌یان جێهێشتوه‌، كۆی گشتی چاكبووانیش بۆ شه‌ش هه‌زار و ٥٦٨ كه‌س به‌رزبووه‌ته‌وه‌.