پسپۆڕێکی خۆراک ئاشکرایکرد، خواردنی نانی بەیانی لە پاش وەرزشکردن سودی زیاترە و هاوکار دەبێت بۆ سوتاندنی چەوری زیاتر لەلایەن لەشەوە، چونکە لەوکاتەدا ئاستی ئانسۆلین لە لەش کەمترە.

گاڤێر گونزالێس، پسپۆڕی راهێنانی وەرزشی و خۆراک بە رۆژنامەی "دەیلی مەیل"ی بەریتانی راگەیاندووە:" لە توێژینەوەیەکدا کە لەسەر دەیان پیاوی وەرزشوان تاقیکراوەتەوە، بەشێکیان پێش خواردنی نانی بەیانی و بەشێکی دیکەشیان دوای ژەمی نانی بەیانی چوونەتە هۆڵەکانی لەشجوانی و وەرزشیان کردووە ".

ئەوەشی خستووەتەڕوو:" لە توێژینەوەکەدا دەرکەوتووە کە ئەوانەی دوای پێش نانی بەیانی و بە گەدەی بەتاڵەوە راهێنانیان کردووە دوو هێندەی ئەوانی دیکە کێشیان دابەزاندووە و مەترسی توشبوونیان بە نەخۆشی شەکرە کەمتر بووە، لەبەر ئەوەی پێش نانی بەیانی ئاستی ئانسۆلین لە لەشیان کەمتر بووە ".

ئەو پسپۆڕە روونیشیکردەوە:" کاتێک رێژەی ئەنسۆلین لە لەش کەمتر دەبێت و راهێنان دەکرێت، لەشی مرۆڤ ناچار دەبێت چەوری زیاتر بسوتێنێت و وەک وزە بەکاری بهێنێت، چونکە ئەنسۆلین رێگری دەکات لە سوتاندنی چەوری لەلایەن لەشەوە ".

سەبارەت بەوانەی دەڵێن چۆن دەبێت بە گەدەی بەتاڵ یاری بکەن و وزەی پێویستیان نابێت، ئەو پسپۆڕە دەڵێت:" لەشی مرۆڤ دەتوانێت ئەو خواردنانە وەک وزە بەکاربهێنن کە لە شەوی پێشوودا خوراون ".