لە کۆبوونەوەی نێوان سەرۆک وەزیرانی عێراق و وەزارەتی نەوتی ئەو وڵاتە، دەستپێکردنەوەی هەناردەکردنی نەوتی هەرێم تاوتوێ کرا.
نوسینگەی راگەیاندنی سەرۆک وەزیرانی عێراق رایگەیاند:" ئەمڕۆ یەکشەممە، محەمەد شیاع سودانی سەرۆک وەزیرانی عێراق سەرپەرشتی کۆبوونەوەی ئاسایی کرد لەگەڵ وەزارەتی نەوتی وڵاتەکەی بۆ گفتوگۆکردن لەبارەی پرۆژە نەوتییەکان".
ئاماژەی بەوەشکرد:" لە کۆبوونەوەکەدا گفتوگۆ کرا لەبارەی پرۆژەکانی دەرهێنان و دابەشکردنی نەوت، هەروەها لایەنی هەناردەکردن و پرۆژەکانی پەیوەست بە غاز، هاوکات لە کۆبوونەوەکەدا دوایین گفتوگۆی نێوان وەزارەتی نەوتی عێراق و وەزارەتی سامانە سرووشتییەکانی هەرێم تاوتوێکران، لەپێناو تەواوکردنی رێککارە پێویستەکان بۆ دەستپێکردنەوەی نەوت لە رێگەی بەندەری جیهانەوە".