بەڕێوەبەرایەتی گشتی کەشناسی و بومەلەرزەزانی هەرێم پێشبینییەکانی بۆ کەشوهەوای ئەمڕۆ و سبەی شارەکان بڵاوکردەوە.
بەڕێوەبەرایەتی گشتی کەشناسی و بومەلەرزەزانی هەرێم رایگەیاند:" ئەمڕۆ پێنجشەممە، ئاسمان بە گشتی نیمچە هەور دەبێت لەگەڵ هەوری تەواو لە زۆربەی کاتەکان، هەروەها خێرایی با زیاد دەبێت بۆ سەروو ٣٠ کیلۆمەتر لە کاتژمێرێکدا".
ئاماژەی بەوەشکرد:" هاوکات ئەگەری بەرزبوونەوەی تۆز و خۆڵ هەیە لە بەشێک لە سنووری پارێزگای هەولێر و سلێمانی و کەرکوک، پلەکانی گەرماش بە نزیکەی دوو بۆ سێ پلە نزم دەبنەوە، ئەگەری نمە باران لەسەر هەندێک ناوچەی شاخاویە بەرزەکان و سەنتەری پارێزگاکان هەیە".
باسیلەوەشکرد:" سبەی هەینی، ئاسمان نیمچە هەور و ساماڵ دەبێت، پلەکانی گەرماش بە نزیکەی یەک بۆ دوو پلە بەراورد بە تۆمارکراوەکانی رۆژی پێشوو دادەبەزێت، خێرایی با لەنێوان ١٠ بۆ ١٥ کیلۆمەتر لە کاتژمێرێکدا دەبێت".
کەشناسی هەرێم ئەوەشیخستەڕوو:" بەرزترین پلەکانی گەرمای سبەی شارەکان بەمشێوەیە دەبێت:

هەولێر : 33 پلە
سلێمانی : 31 پلە
دهۆک : 32 پلە
کەرکوک : 36 پلە
هەڵەبجە : 34 پلە
زاخۆ : 35 پلە
سۆران : 33 پلە
گەرمیان : 37 پلە