هونەرمەند ماهیر حەسەن رایگەیاند، ئەوەی ڕۆی لە سلێمانی كردبێت چەندین یادگاری جوانی لەگەڵ سەرچناردا هەبووه.

هونەرمەندی بواری کۆمیدیا ماهیر حەسەن لە هەژماری فەرمی خۆی لە فەیسبووک ئاماژەی بەوەکردووە:" ڕێز و دەستخۆشی بۆ هەموو ئەوانەی دەیانەوێت رەسەنایەتی بگەڕێننەوە بۆ سروشت و جوانی سەرچنار، ئەو سەرچنارەی كە نەك تەنها خه ڵكی شارە حەیاتەكه یادگاری جوانی لەگەڵدا هەبووه، بەڵكو ئەوەی ڕۆی لەم شاره كردبێت چەندین یادگاری جوانی لەگەڵدا هەبووه ".

ئەوەشی خستووەتەڕوو:" پاراستنی سروشتی سەرچنار ئەركی هەموولایەكمانه، دووباره دەستخۆش بۆ هەموو بڕیارێكی جوان و بوێر بۆ گەڕاندنەوەی رەسەنایەتی جوانی دابونەریتی بەرزی كوردەواری ".

ئەو هونەرمەندە دەشڵێت:" خۆزگە لەگەڵ ئەمەشدا بیر لەوه دەكرایەوه كارێك بكرایە كه سەرچنار هیچ كات بێ ئاو نەبووایه، وابزانم كارێکی زۆر گرانیش نییه، دواتر سەرچنار بكرایە بە شوێنێکی گەشتیاری سەرنجڕاكێش، به شێوازێک تام و رەنگی كوردەواری پێوه بێت ".