بڕیاردراوە تووشبووانی تالایسیمیا لە هەرێمی کوردستان بەبێ بەرامبەر
چارەسەر پزیشکییەکان وەربگرن.
فەرمانگەی میدیا و زانیاری حکومەتی هەرێم رایگەیاند:" لە سۆنگەی
بەرپرسیاریەتی حکومەتی هەرێم بەرامبەر دۆخی تەندروستی تووشبووانی تالاسیمیا و
رەچاوکردنی دۆخی دارایی خانەوادەکانیان، ئەنجامدانی پشکنین و وەرگرتنی چارەسەرییە
پزیشکییەکانی تووشبووانی ئەو نەخۆشییە لە تەواوی نەخۆشخانەکان حکومییەکان،
سەنتەرەکانی دڵ و تیشک لە هەرێم، بێبەرامبەر ئەنجامدەدرێن".
ئاماژەی بەوەشکرد:" ئەم بڕیارە لەپێناو ئەوەیە کە سەرجەم تووشبووانی
تالاسیمیا بە باشترین شێوە و بە خۆڕایی لە خزمەتگوزارییە تەندروستییەکانی حکومەت
سوودمەندبن".