لەسەر داوای حکومەتی تورکیا، کۆمپانیای تویتەر
بڵاوکردنەوەی هەندێک بابەتی لە ئەمڕۆدا کە هاوکاتە لەگەڵ هەڵبژاردنەکانی ئەو
وڵاتە، سنووردارکردووە.
پێگەی فەرمی تویتەر بڵاویکردەوە:"
لەپێناو ئەوەی تۆڕەکۆمەڵایەتییەکەمان بەردەستبێت بۆ تەواوی دانیشتووانی تورکیا،
بڕیارمانداوە لەو وڵاتە بڵاوکردنەوە و بەدەستهێنانی هەندێک بابەت سنووردار
بکەین".
هاوکات چەند میدیا و رۆژنامەنووسێک
ئاشکرایانکرد، تویتەر لەسەر داوای حکومەتی تورکیا هەستاوە بە سنووردارکردنی هەندێک
بابەت.
لە بەرامبەردا ئیلۆن مەسک خاوەنی کۆمپانیای
تویتەر وەڵامی ئەو دەنگۆیانەی دایەوە و لە تویتێکدا ئاماژەی بەوەکرد:" ئەو
داواکارییەی حکومەتی تورکیا ئاراستەی هەموو تۆڕەکانی دیکەی ئینتەرنێت کراوە، ئێمە
تەنها روونکردنەوە دەدەین سەبارەت بەوەی روودەدات پێچەوانەی ئەوانی دیکە".