سەرۆکی یانەی بەرشەلۆنە ئاشکرایکرد، ئەوان دەیانەوێت لیۆنێل مێسی بگەڕێننەوە بەرشەلۆنە و یانەکە بە ماڵی یاریزانە ئەرجەنتینییەکە ناودەبات.
خوان لاپۆرتا سەرۆکی یانەی بەرشەلۆنەی ئیسپانی دوای بەدەستهێنانی جامی لالیگا لەلایەن یانەکەیەوە وتی:" قسەم لەگەڵ لیۆنێل مێسی کردووە و هەندێک پەیاممان گۆڕیەوە".
ئاماژەی بەوەشکرد:" دەنگۆی پێشنیازە گەورەکانی هیلال بۆ مێسی گرنگ نییە چونکە بەرشەلۆنە بەرشەلۆنەیە و دەتوانێت رکابەری هەموو کەسێک بکات، راستە لە سعودییە کاری باش دەکرێت و وەبەرهێنان دەکەن، بەڵام من پێداگری دەکەم لەسەرئەوەی بەرشەلۆنە ماڵی مێسییە".
باسیلەوەشکرد:" ئێمە دەمانەوێت مێسی بگەڕێتەوە، دەشتوانین ئەوە بکەین، بەڵام ناتوانین بڕەپارەیەکی شێتانە پێشکەش بکەین بۆ ئەو مەبەستە".