بە وتەی شارەزایەکی کەشناسی، لە چەند رۆژی داهاتوودا جارێکی دیکە کەشوهەوا
ناجێگیر دەبێت و باران دەبارێتەوە.
ئاراس جەبار شارەزای کەشناسی رایگەیاند:" سبەی شەممە و دوو سبەی
یەکشەممە، کەشی ناوچەکەمان سەقامگیر دەبێت بەهۆی هاتنی بارستە هەوای گەرم و شێدار
لە دەریای دوور و کاریگەری نزمە پاڵەپەستۆی دەریای ناوەڕاست".
ئاماژەی بەوەشکرد:" لە رۆژانی ٢٨ و ٢٩ی ئایار مانگ، کەشوهەوای ناوچەکە
ناجێگیر دەبێتەوە و سەرەتاش سنووری باکووی سعودییە و ئوردن و باشووری سوریا
دەگرێتەوە بەشێوەی بارانی بەهێز و بەخوڕ، دواتریش کاریگەری بۆسەر ناوچەکانی هەرێمی
کوردستان و عێراق درێژ دەبێتەوە، هاوشێوەیەی ئەم ماوەیە لە ناوچەی جیاجیادا و بە
رێژەی دیارینەکراو هەورە بروسکە و تاوە باران چالاک دەبێت لەگەڵ زیادبوونی خێرایی
با و بەرزبوونەوەی تۆز و خۆڵ".