شانەی راگەیاندنی ئەمنی عێراق رایگەیاند، هێزێكی سەر بە بەڕێوەبەرایەتی بەگژداچوونەوەی تیرۆر توانیویەتی سێ تۆمەتبار دەستگیربكات كە یەكێكیان ئەندامی رێكخراوی تیرۆریستی داعش بووە.
شانەی راگەیاندنی ئەمنی عێراق لە راگەیەندراوێكدا بڵاویكردەوە:" بە پشت بەستن بە زانیارییە وردەكانی دەزگای هەواڵگری لە پارێزگای دیالە و بەغدای پایتەخت، سێ تۆمەتبار دەستگیركران كەدووانیان بازرگانی ماددە هۆشبەرەكان بوون و ئەو دیكەشیان ئەندامێکی رێكخراوی تیرۆریستی داعش بووە".
ئاماژەی بەوەشكردووە، "لەگەڵ دەستگیركردنی ئەو دو بازرگانەدا دەست بەسەر بڕێكی زۆر لە ماددەی هۆشبەردا گیراوە و بە پێی ماددەكانی تایبەت بە ماددە هۆشبەرەكان راگیراون و پەڕاوی لێكۆڵینەوەش بۆ تۆمەتباران كراوەتەوە".