توێژینەوەیەکی نوێ دەریخستووە کە زۆربەکارهێنانی مۆبایل
کاریگەری دەکاتە سەر کوالێتی سپێرمی پیاوان و هەندێکجار دەبێتە هۆی نەزۆکی.
رۆژنامەی " THE INDEPENDENT"ی بەریتانی توێژینەوەیەکی بڵاوکردەوە و
ئاماژەی بەوەکرد:" توێژەرانی زانکۆی جنێف تاقیکردنەوەیەکیان لەسەر دوو هەزار
و 886 پیاو ئەنجامداوە کە تەمەنیان لە نێوان 18 تا 22 ساڵە، بەشێکیان هەفتانە یەک جار
مۆبایلیان بەکارهێناوە و بەشەکەی دیکەشیان رۆژانە نزیکەی 20 جار بەکاریان هێناوە
".
بە پێی توێژینەوەکە، ئەو پیاوانەی هەفتانە یەک جار
مۆبایلیان بەکارهێناوە سپێرمیان زیاتر بووە لەوانەی رۆژانە 20 جار بەکاریان
هێناوە.
توێژینەوەکەی زانکۆی جنێف ئەوەشی ئاشکراکردووە،
مۆبایلەکانی نەوەی چوارەم (4G) زیانەکانی کەمترە لە مۆبایلەکانی نەوەی دووەم (2G).