بەراورد بە رۆژانی
رابردوو، ئەمڕۆ بەهای دۆلار بەرامبەر بە دینار کەمێک جێگیری بە خۆیەوە بینی.
ئەمڕۆ دووشەممە، لەکاتی
کردنەوەی بازاڕی دۆلارەکەی شاری سلێمانی بڕی 100 دۆلار بە 157 هەزار و 100 دینار
مامەڵەی پێوەدەکرا، لەکاتی داخستنی بازاڕەکەشدا بەهاکەی بووە 157 هەزار و 200
دینار، بەوەش بەراورد بە رۆژانی پێشوو تا رادەیەک سەقامگیری بە خۆیەوە بینیوە.
ئەمەش لەکاتێکدایە،
بەردەوام بانکی ناوەندی عێراق لە هەوڵدایە بۆ دابەزاندنی بەهای دۆلاری ئەمەریکی
بەرامبەر بە دیناری عێراقی، بەڵام تاکو ئێستا بەهاکەی بە بەرزی ماوەیەوە و دیارترین
بڕیاریشی ئەوەیە کە لە سەرەتای ساڵی داهاتووەوە سەرجەم مامەڵە بازرگانییە
ناوخۆییەکان بە دینار دەبن.