لە رۆژی نیشتمانیی رووبەڕووبوونەوەی جگەرەكێشاندا چەند زانیارییەكی نوێ ئاشكرا دەكرێن.

 لینا عابد محەمەد، پزیشكی لێپرسراوی هۆبەی نەخۆشییە نەگوازراوەكان لە راگەیەندراوێكدا بڵاویكردەوە:" بەبۆنەی رۆژی نیشتمانی بەرەنگاربوونەوەی جگەرەكێشان چەند زانیارییەك دەربارەی جگەرەكێشان و زیانەكانی لە پێناو بەرەنگاربوونەوەی دەخرێنەڕوو".

بەپێی نوێترین داتا و زانیارییەكان:-

- توتن ساڵانە نزیكەی هەشت ملیۆن كەس لە جیهاندا دەكوژێت. 

- ساڵانە نزیكەی 103 ملیۆن كەس دەمرن بەهۆی جگەرەكێشانی ناڕاستەوخۆ كە خۆیان جگەرەكێش نین بەس لە شوێنێكی داخراودان لەگەڵ كەسی جگەرەكێشدا.

- رۆژانە نزیكەی دوو ملیار دینار بەهەدەردەچێت لە كڕینی ماددەی توتن لە جیهاندا.

- هەر 20 خەلەك جارێك، كەسێك بەهۆی زیانی تووتنەوە لە سەرانسەری جیهاندا گیانلەدەستدەدەن. 

- جگەرە زیاتر لە حەوت هەزار ماددەی زیانبەخشی تێدایە.

- كێشانی یەك كاتژمێر نێرگەلە یەكسانە بە نزیكەی 100 بۆ 200 جگەرە.

- جگەرەی ئەلكترۆنی (ڤەیپ) پێك هاتووە لە چەندین ماددەی زیانبەخش كە هۆكاری سەركییە لە تێك چوونی تەندروستی بەشێوەیەكی راستەوخۆ.

- 60 ملیگرام لە نیكۆتین دەبێتە هۆكارێكی كوشندە بۆ مرۆڤەكان.