ئەمڕۆ پێنجشەممە پزیشكانی سەر بە نەخۆشخانەی ماساچوسێتسی گشتی بۆ یەكەمینجار نەشتەرگەری چاندنی گورچیلەی بەرازیان بۆ نەخۆشێكی زیندوو ئەنجامدا.
بەرپرسانی نەخۆشخانەی ماساچوسێتسی گشتی لە راگەیەندراوێكدا بڵاویانكردەوە:" نەشتەرگەری چاندنی گورچیلە بۆ پیاوێكی تەمەن 62 ساڵ كە نەخۆشی گورچیلەی قۆناغی كۆتایی هەبووە و بۆ یەكەمینجار لە جیهاندا چاندنی گورچیلەی بەرازێكی جین گۆڕاوی بۆ ئەنجامدرا".
ئاماژەی بەوەشكردووە:" لێكۆڵینەوە و پەیجۆرییەكانیان بۆ باشترین بەدەستهێنانی تەندروستی و پاراستنی ژیانی مرۆڤایتی بۆ دوورترین مەودا بەردەوامیدەبێت".
باسی لەوەشكردووە:" نەشتەرگەرییەكە چوار كاتژمێری خایاندووە و گورچیلەی بەرازەكەش لەلایەن كۆمپانیای eGenesis دابینكرا".