چی روویدا: ماوەی چەند رۆژێکە لەسەر بەشێک لە شەقامەکانی سلێمانی پۆستەرێک دانراوە و لەسەری نوسراوە "هێزی تۆ"، بەڵام تاکو ئێستا نازانرێت کە کێ لە پشتی دانانی ئەو پۆستەرانەوەیە و مەبەست لێی چییە.

زانیاری: هاوکات لەگەڵ دانانی پۆستەری"هێزی تۆ" لەسەر شەقامەکانی سلێمانی، لە تۆڕەکۆمەڵایەتییەکانیش پەیجێک بەو ناوە دانراوە و رای خەڵک لەسەر ماناکەی وەردەگرێت، ئەمەش پرسیاری لای خەڵک دروستکردووە کە ئاخۆ مەبەست لەو دەستەواژەیە چییە و کێ لە پشتێوێتی.

زیاتر: بۆ زانینی هۆکاری بڵاوکردنەوەی ئەو دەستەواژەیە لە شەقامەکان و تۆڕەکۆمەڵایەتییەکان، بی ئێم سی پەیوەندیکرد بە لایەنە فەرمییەکانی سلێمانی، بەڵام هیچکام لەو لایەنانە زانیارییان لەبارەی بابەتەوە ئاشکرا نەکرد.