بابەتە سەرەکییەکە: دەستەی ناوچە کوردستانییەکانی
دەرەوەی ئیدارەی هەرێم راگەیەندراێکی بڵاوکردەوە.
راگەیەندراوی فەرمی: دەستەی ناوچە کوردستانییەکانی
دەرەوەی ئیدارەی هەرێم ئاماژەی بەوەشکرد: بڕیارە رۆژی 20ی تشرینی یەکەمی ئەمساڵ
سەرژمێری گشتی لە عێراق و هەرێم ئەنجامبدرێت.
زیاتر: ئەنجامدانی سەرژمێری بابەتێکی گرنگە، بەڵام ئێمە
بە نیگەرانی و گومانەوە لە ئەنجامدانی ئەو پڕۆسەیە دەڕوانین لە ناوچە کوردستانییەکانی
دەرەوەی ئیدارەی هەرێم.
بۆ: چونکە لەلایەک ماددەی 140ی دەستوور جێبەجێ نەکراوە و
لەلایەکی تریش مێژووی سەرژمێرییەکانی رابردوو ئەزمونێکی تاڵ کاریگەری خراپیان لەسەر نیشتمانەکەمان دروستکردووە.
چی هەیە: لە دەرەنجامی هەوڵەکانی وەزارەتی پلان و دەستەی
ئاماری هەرێم، کاری جددی کرا بە ئاڕاستەی نەهێشتنی کاریگەری سیاسی لەسەر پرسەکە،
بەڵام هێشتا پێویستە بە هەستیارییەوە لەسەر ئەم پرسە بووەستین، بۆیە ئێمە
ئامادەکاری تەوامان کردووە.
چی دەکرێت: سبەی پێنجشەممە، دیدارێکی سیاسی لەگەڵ کۆی
هێزە کوردستانییەکانی ناوچەکانی دەرەوەی ئیدارەی هەرێم رێکدەخەین و بە وردی
هەڵسانگاندن بۆ پڕۆسەکە دەکرێت.