بابەتی سەرەکی: قوباد تاڵەبانی دەڵێت" لە رووی ئازادی رادەربڕینەوە سلێمانی لەسەر ئاستی هەموو عێراق لە پلەی یەکەمەدایە، ئەگەر نا هەموو لایەنە ئۆپۆزیستیۆنەکان لە شارەکە دروست نەدەبوون".

کێ وتی: قوباد تاڵەبانی لە کۆنگرەیەکی رۆژنامەوانیدا بە پەیامنێری BMC وت:" لە سڵێمانی خەڵک بوێرن و ئازادانە دەتوانن رای خۆیان دەرببڕن، تەنها لەم کۆنگرە رۆژنامەوانییەدا مایکی نزیکەی 20 دەزگای میدیایی دانراوە، کە لە هەموو رەنگ و بۆچوونەکان پێکهاتوون و بەشێک لەو دەزگایانە دژی من کار دەکەن، ئەمەش ئەوە دەگەیەنێت کە لێرە کەشوهەوایەک هەیە خەڵک دەتوانێت بە ئازادی رای خۆی دەربڕێت".

ئەمەشی وت: یەکێتی نیشتیمانی کوردستانیش کە حزبێکە جێی دەستی هەیە لەم دەڤەرەدا، شانازی بەو ئازادییە دەکات کە لە شارەکەدا هەیە.