بابەتە سەرەکیەکە: کۆمەڵەی
پیشەسازیی نەوتی کوردستان - ئەپیکور داوای دەستبەجێ دەستپێکردنەوەی هەناردەی نەوتی
هەرێم دەکات.
راگەیەندراوی فەرمی: کۆمەڵەی
پیشەسازیی نەوتی کوردستان ناسراو بە ئەپیکور رایگەیاند: داوای بەردەوامبونی
کۆبونەوەکانی نێوان هەولێر و بە‌غداد دەکەین، بۆ دەستپێکردنەوەی هەناردەکردنەوەی
نەوتی هەرێم و پێویستە بە زووترین کات هەناردەکردنەوەی لە رێگەی بۆریی نەوتی عێراق -
تورکیا دەستپێبکاتەوە.
ئەمەشی وت: لێدوانەکانی ئەم دواییەی
سەرۆک وەزیرانی عێراق هاندانێكە بۆ ئەوان کە تاوەکو کۆتایی ئەمساڵ هەناردەکردنی
نەوت دەستپێبکاتەوە.
چی دیکە: ئەپیکور ئامادەیی
ئەندامانی پیشاندەدات بۆ دەستپێکردنەوەی هەناردەکردنی نەوت، بەو مەرجەی دڵنیایی
بدرێت هەقدەستی پێشوو و داهاتوی کۆمپانیاکان بدرێت و مەرجە ئابوری و
بازرگانییەکانیشیان بپارێزرێن.
زیاتر: حکومەتی عێراق بە هەماهەنگی
لەگەڵ حکومەتی هەرێم و کۆمپانیا نێودەوڵەتییەکان، کێشە هەڵپەسێدراوەکانی نێوانیان
چارەسەربکەن و بە زووترین کات پرۆسەی هەناردەکردنی نەوت دەستپێبکاتەوە.