بابەتە سەرەکییەکە: جڤاتی نیشتمانی "هەڵبژێردراو"ی
بزووتنەوەی گۆڕان لە گردی زەرگەتە کۆبووەوە.
راگەیەندراوی فەرمی: جڤاتی نیشتمانی "هەڵبژێردراو"ی
بزووتنەوەی گۆڕان بڵاویکردەوە: لە کۆبوونەوەکەدا چوار بڕیار دران کە بریتین
لەمانە:
یەکەم: دەستووری ناوخۆی بزووتنەوەکە بنەمای کاری یاسایی
و رێکخراوەیی بزووتنەوەی گۆڕانە، رەوانشاد نەوشیروان مستەفا دایناوە، پێشێلکردنی
دەستوور رەتکراوەیە، هەموو رێککارێکی یاسای و سیاسی دەگرینەبەر بۆ جێبەجێکردنی ئەو
دەستوورە.
دووەم: ژووری هەڵبژاردن بەرپرسیارە لە دیاریکردنی رۆژی
هەڵبژاردنی رێکخەری گشتی و ئەندامانی خانەی راپەڕاندن کە دەستووری ناوخۆی دیاریکردووە،
لە یەک کاتدا و بە یەک پاکێج ئەنجام دەدرێت، هەر هەڵبژاردنێک لە ژێر هەر ناوێکدا
ئەنجام بدرێت سەرلەبەری نادەستوری و ناقانونی و نادیموکراتییە.
سێیەم: کارکردنی
جڤاتی نیشتیمانی لەسەر بنەمای دەستور و بەرنامەی سیاسی بزووتنەوەی گۆڕانە، مەکۆی سەرەکی
بزوتنەوەی گۆڕان گردی زەرگەتەیە، دەرگای دڵ و ماڵی بزوتنەوەی گۆڕان بۆ هەموو گۆڕانخوازان
کراوەیە بۆ کاری پێکەوەیی پاڵپشت بە دەستوری ناوخۆ.
چوارەم: سەرەڕای
ئەوەی بزووتنەوەی گۆڕان بڕیاری بەشداریکردن یان بەشدارینەکردنی لە هەڵبژاردنی
پەرلەمانی کوردستان نەداوە، جڤاتی نیشتیمانی هەڵبژێردراو بەرپرسیارێتی ئەمری واقیع
هەڵناگرێ، ئاشکرایە کاندیدەکانی لیستی (114)ی بزوتنەوەی گۆڕان هاوڕێ و هاوسەنگەر و
هەڵسوڕاوی دیاری ئێمەن، بۆیە پشتیوان و هاوکاریان ئەبین بۆ سەرکەوتنیان.