بابەتە سەرەکییەکە: بەڕێوەبەرایەتی گشتی کار و دەستەبەری کۆمەڵایەتی رایگەیاند، هەر کەسێک وەکوو کرێکار لە پڕۆژەیەک یاخود کۆمپانیایەک لە کەرتی تایبەت کار بکات دەستەبەری کۆمەڵایەتی دەیگرێتەوە.

راگەیاندراوی فەرمی: بەڕێوەبەرایەتی گشتی کار و دەستەبەری کۆمەڵایەتی رایگەیاند: هه‌ر كه‌سێك وه‌ک كرێكار له‌ پڕۆژه‌یه‌ك یاخود كۆمپانیایه‌ک له ‌كه‌رتی تایبه‌ت، كارێكی دیاریكراو بكات به‌رامبه‌ر كرێیه‌كی دیاری كراو له‌ ژێر سه‌رپه‌رشتی خاوه‌نكارێک یان كارگێڕییه‌ک، ئه‌وا ده‌سته‌به‌ریكردن دەیگرێتەوە و مافى ئەو کەسەیە دەستەبەر بکرێت.

ئەمەش هەیە: ئەو کرێکارانەی دەستەبەری کۆمەڵایەتی نایانگرێتەوە ئەمانەن؛ كارمه‌ندانی حكومی ئه‌وانه‌ی هاوکات له‌ كه‌رتی تایبه‌ت كار ده‌كه‌ن و هێزه‌كانی پێشمه‌رگه ‌و ئاسایش و پاسه‌وانی سنوور وكارمه‌ندانی نێرده‌ دبلۆماسییه‌كان و ڕێكخراوه‌ نێوده‌وڵه‌تییه‌كان، ئه‌وانه‌ی كه‌ به‌شدارن له‌ سیسته‌مێكی خانه‌نشینی یاسایی وه‌ك پارێزه‌ران.

زیاتر: ئەوانەی لە دەستەبەری کۆمەڵایەتی تۆمارکراون سەرجەم مافەکانی ‌؛ مافی خانه‌نشین بوونت هه‌یه‌ به‌پێی هه‌ڵكشانی ته‌مه‌ن، ئه‌گه‌ر كرێكار تۆماركراو بێت، له‌ ماڵه‌وه‌ یان لەسەر کار بمرێت ئه‌وا ڕاسته‌وخۆ خانه‌نشین ده‌كرێت بێ گوێدانه‌ ته‌مه‌ن و راژه‌.

چی دیکە: ده‌توانرێت ئه‌و خزمه‌ته‌ی هه‌ته‌ له‌ كه‌رتی تایبه‌ت، بیگوازیته‌وه‌ بۆ كه‌رتی گشتی له‌ کاتی دامه‌زران، حکومەت چارەسەرى کرێکار دەگرێتە ئەستۆ لە کاتى نەخۆشکەوتنى.