بابەتە سەرەکیەکە: پاراستنی تەندروستی سیستەمی دڵ مەترسی تووشبوون بە نەخۆشییەکانی دڵ و جەڵتەی مێشک و حاڵەتەکانی  دیکەی مەترسیدار لە سەر ژیان کەم دەکاتەوە.

کێ وتی: بەگوێرەی  Money Control پەیڕەوکردنی شێوازی ژیانێکی تەندروست، لەوانە پابەندبوون بە خۆراکێکی هاوسەنگ و وەرزشی ڕێکوپێک، سووڕی خوێن بەهێز دەکات، پەستانی خوێن دادەبەزێنێت و رێگە لە زیان گەیاندن بە خوێنبەرەکان دەگرێت.

زیاتر: بە پابەندبوون بەم هەشت رێکارە یارمەتی کەمکردنەوەی مەترسیەکانی تووشبوون بە جەڵتەی دڵ دەدەن؛

- خۆراکی تەندروست: خۆراکێکی هاوسەنگ دەوڵەمەند بە میوە، سەوزە و دانەوێڵە ، پرۆتینی بێ چەوری و چەوری تەندروست یارمەتی پاراستنی دڵ دەدات.

- چالاکی جەستەیی: وەرزشی ڕێک و پێک دڵ بەهێز دەکات و سووڕی خوێن باشتر دەکات.

- کۆنتڕۆڵکردنی سترێس: فشاری درێژخایەن کاریگەری لەسەر دڵ هەیە بە بەرزکردنەوەی فشاری خوێن و هەروەها خووی ناتەندروست، وەک زۆر خواردن یان جگەرەکێشان، چالاکیەکانی کەمکردنەوەی دڵەڕاوکێ وەک یۆگا، بیرکردنەوە، ڕاهێنانی هەناسەدانی قووڵ یان خولیاکان کە مرۆڤ چێژی لێ وەردەگرێت یارمەتیدەر دەبێت بۆ باشترکردنی تەندروستی دڵ.

- کێش: خواردنی خۆراکی هاوسەنگ و وەرزش بە رێکوپێکی یارمەتیدەر دەبێت بۆ پاراستنی کێشێکی تەندروست و کەمکردنەوەی فشاری سەر دڵ.

- چاودێری پەستانی خوێن و کۆلیسترۆل بکە: بەرزی فشاری خوێن و کۆلیسترۆل هۆکاری سەرەکین بۆ نەخۆشییەکانی دڵ، پشکنینی بەردەوام لەلایەن پزیشکەوە یارمەتیدەر دەبێت بۆ چاودێریکردنی ئەم ڕێژانە و گرتنەبەری هەنگاو بۆ چارەسەرکردنیان بە گۆڕینی شێوازی ژیان .

- جگەرە کێشان: زیان بە دەمارەکانی خوێن دەگەیەنێت، پەستانی خوێن بەرز دەکاتەوە و مەترسی جەڵتەی دڵ زیاد دەکات، ئەگەر کەسێک جگەرە بکێشێت، وازهێنان لە جگەرە یەکێکە لە گرنگترین هەنگاوەکان بۆ تەندروستی دڵ.

- خەو: کەمی خەو مەترسی تووشبوون بە نەخۆشییەکانی دڵ زیاد دەکات، لەوانە بەرزی فشاری خوێن، جەڵتەی دڵ و جەڵتە.

- ئاو: ئاوخواردنەوەی گونجاو یارمەتیدەرە بۆ پاراستنی هاوسەنگی شلە لە لەشدا و ئاسانکاری بۆ دڵ بۆ پەمپکردنی خوێن بە شێوەیەکی کاریگەر، خواردنەوەی ئاوی پێویست یارمەتیدەرە بۆ پاڵپشتیکردنی خوێنی تەندروست و کەمکردنەوەی پەستان.