بابەتە سەرەکیەکە: شارەزایەکی کەشناسی رایگەیاند، شەپۆلێکی بەهێزی سەرما عێراق دەگرێتەوە کە لە 14 ساڵی رابردوودا هاوشێوەی نەبووە.

لێدوانی فەرمی: علی جابر زیادی، شارەزایی کەشناسی بە بغداد الیومی راگەیاند: چاوەڕوان دەکرێت لەمڕۆوە شەپۆلێکی سەرما روو لە عێراق بکات، کە لە ماوەی 14 ساڵی رابردوودا هاوشێوەی  نەبووە.

ئەمەشی وت: شەپۆلە سەرماکەی عێراق لەمڕۆوە دەست پێدەکات و زۆر بەهێز دەبێت، بە چڕی رۆژئاوای ئەنبار تا موسڵ دەگرێتەوە، هەروەها بای بەهێزی لەگەڵدا دەبێت، لەگەڵ خۆڵبارینێکی کەمدا.

زیاتر: تاوەکو رۆژی سێشەممە شەپۆلەکە بەرەو باکووری عێراق و هەرێمی کوردستان هەڵدەکشێت، پلەکانی گەرماش چوار پلە دادەبەزن، بەڵام لوتکەی شەپۆلی سەرما و بەهێزی راستەقینەکەی رۆژی چوارشەممە دەبێت.

چی تر: هۆشداریشیداوە لە سەختی شەپۆلی سەرماکە بەتایبەتی لە ئێواران و بەرەبەیاندا و هەروەها بەفر لە ناوچە شاخاوییەکانی باکوور وڵاتەکەش دەبارێت.