بابەتە سەرەکیەکە: سەرۆكی یەكێتی نیشتمانیی كوردستان بۆ رۆژی جیهانی بەرەنگاربوونەوەی توندوتیژی دژی ژنان پەیامێكی بڵاوكردەوە.

پەیامی فەرمی: بافڵ جەلال تاڵەبانی سەرۆکی یەكێتی نیشتمانیی كوردستان رایگەیاند: لە رۆژی جیهانیی بەرەنگاربوونەوەی توندوتیژی دژی ژناندا، پابەندیی خۆمان بە پشتگیریكردن، پاراستنی مافەكان و بەدیهێنانی خواستەكانی ژنان دووپات دەكەینەوە.

ئەمەشی وت: جەخت لە رەخساندنی زەمینەی لەبار و تەندروستتر دەكەینەوە تاوەكو ژنانی كوردستان بەشداریی زیاتر و چالاكانەتریان هەبێت لە ناوەندەكانی بەڕێوەبردن و رۆڵی خۆیان لە بەرەوپێشبردنی وڵات و بونیادنانی داهاتوویەكی گەشتردا بگێڕن.

چی دیکە: یەكێتیی نیشتمانیی كوردستان بە شانازییەوە هەمیشە پاڵپشتی ژنان و هەوڵە بێوچانەكانیان بووە لەپێناو بەگژداچوونەوەی توندوتیژی، هێنانەكایەی دادپەروەری و كۆمەڵگەیەكی سەقامگیر و باوەڕی تەواوی بە رۆڵ و تواناكانی ژنان هەبووە و بەشێكی كاریگەربوون لە ئۆرگانەكانی حزبدا.

زیاتر: بێگومان لە داهاتووشدا بە هەمان بڕوا و رۆحییەتەوە كاردەكەین و ژنان هاوكار و هاوشانمان دەبن بۆ هەنگاونان بەرەو كوردستانێكی ئاوەدانتر و خۆشگوزەرانتر.

هاوکات: ئەوەی لەم رۆژەدا پێویستە جەختی لێبكەینەوە، باوەڕی نەگۆڕمانە سەبارەت بە بەگژداچوونەوە و لێپێچینەوە لەو كەسانەی بەهەرشێوەیەك دەبنە مایەی هەراسانكردنی ژنان و ئەنجامدانی توندوتیژی بەرامبەریان.

چی تر: لە هەر شوێنێك پێشێلكاری هەبێت، رووبەڕووی دەبینەوە و هەر كەسێك لە هەر پلە و پۆستێكدا بێت رێكاری یاسایی بەرامبەر دەگرینەبەر، چونكە پێمانوایە هیچ دادپەروەری و یەكسانییەك لە كۆمەڵگەدا نایەتەدی، ئەگەر ژنان لە ئاشتی و سەقامگیریدا نەبن و هەڕەشە لەسەر ماف و خواستەكانیان بێت.