بابەتە
سەرەکیەکە: ئەندامێکی ئەنجومەنی نوێنەرانی عێراق رایگەیاند، ئەمڕۆ کۆتا بڕی پارەی
گەنمی جوتیاران بۆ ساڵی 2024 گەیشتە هەرێم.
لێدوانی فەرمی:
غەریب ئەحمەد ئەندامی ئەنجومەنی نوێنەرانی عێراق لە تۆری میدیای فەیسبووک بڵاویکردەوە، ئەمڕۆ بڕی 120 ملیار و
852 ملیۆن و 997 هەزار دینار وەک کۆتا گوژمەی پارەی گەنمی جوتیاران بۆ ساڵی 2024 گەیشتە
هەرێم.
ئەوەشی وت: لەو بڕە پارەیەی گەیشتووە بڕی 47 ملیار و 642 ملیۆن
و 421 هەزار دیناری بۆ سنووری سلێمانییە و ئەمڕۆ 19 ملیاری دابەشدەکرێت.
هاوکات: 44 ملیار
و 45 ملیۆن و 43 هەزار ی جوتیارانی سنوری هەولێر و 34 ملیۆن 165 ملیۆن و 533 هەزار
دیناری جوتیارانی سنووری پارێزگای دهۆکە.
ئاماژەی بەوەشکرد: چەند رۆژێكە بەردەوامن لە گفتوگۆ و داكۆكیکردن بۆ ناردنی ئەو پارەیە لەگەڵ وەزارەتی بازرگانی عێڕاق و وەزارەتی بازرگانی هەرێم وتیشی بەردەوام دەبن لە هەوڵەکانیان بۆ پاراستنی مافی جوتیارانی هەرێم.