بابەتە سەرەکیەکە: لەلایەن مەفرەزەكانی نوسینگەی نەهێشتنی تاوانی كوشتن و بە هاوكاری دەزگای هەواڵگری حكومەتی فیدراڵ ، لە سەر دۆسیەی كوشتنی كەسێک تۆمەتبارێک دەستگیركرا.

راگەیەندراوی فەرمی: بەڕێوەبەرایەتی  پۆلیسی پارێزگای سلێمانی رایگەیاند: دوای ئەوەی لە ڕۆژی 17ـی 8ـی 2023 ژنێک لە گەڕەكی سەرچناری شاری سلێمانی بە خنكاوی دۆزرایەوە، هێزەكانی پۆلیس لێكۆڵینەوە و بەدواداچوونەكانیان دەستپێكرد و دەركەوت لەلایەن خزمێكی خۆیەوە كوژراوە و بكوژەكەش بۆ شوێنێكی نادیار هەڵاتووە.

ئەمەش هەیە: لێكۆڵینەوە و بەدواداچوونەكانی پۆلیس بۆ دۆزینەوە و دەستگیركردنی تۆمەتبار بەردەوام بوو، تا ئەو كاتەی شوێنی نیشتەجێبوونی تۆمەتبار دۆزرایەوە و توانرا لەلایەن مەفرەزەكانی نوسینگەی نەهێشتنی تاوانی كوشتن و بە هاوكاری دەزگای هەواڵگری حكومەتی فیدراڵ تۆمەتبار لە پارێزگای عەممارە دەستگیربكرێت.

زیاتر: لە ئێستادا تۆمەتبار  ک ،ع، ف بە ناسنامە عەرەب ، لەدایكبووی 2006  بەبڕیاری بەڕێز دادوەر و بەپێی ماددەی 406 لەیاسای سزادانی عێراقی راگیراوە و دانی ناوە بە تاوانەكەیدا.

چی تر: تۆمەتبار لە پارێزگای عەممارەوە هاتوەتە شاری سلێمانی و لە گەڕەكی سەرچناری شاری سلێمانی هەستاوە بە خنكاندنی پوری خۆی.