بابەتە سەرەکیەکە: وتەبێژی حكومەتی عێراق رایگەیاند، عێراق ڕۆڵی گەورەی هەبوە لە ئاگربەستی نێوان حەماس و ئیسرائیل و كۆتای هێنان بە شەڕەكانی غەززە و لوبنان.

لێدوانی فەرمی: باسم عەوادی، وتەبێژی حكومەتی عێراق لە راگەیەندراوێكدا بڵاویكردەوە، عێراق ڕۆڵی گەورەی هەبوە لە ئاگربەست و كۆتای هێنان بە شەڕەكانی غەززە و لوبنان، پرسی فەلەستین لە هەمو گفتوگۆ و کۆبونەوەوکانی  محەمەد شیاع سودانی سەرۆك وەزیراندا هەبووە.  

ئەوەشێ وت: عێراق بڕیاریداوە بەشداری لە ئاوەدانكردنەوەی غەززە و لوبناندا بكات، پێشتریش یەكێك بوە لە یەكەمین ئەو وڵاتانەی كە ڕاستەوخۆ هاوكاری گەیاندوەتە غەززە و كەرتی ڕۆژئاوا.

ئاماژەی بەوەشکرد: سەرۆك وەزیران پێشنیاری پێكهێنانی سندوقێكی عەرەبی-ئیسلامی كردوە، بۆ ئەوەی هاوكاری بگەیەننە ئەو وڵاتانە، هەروەها لیژنەیەكی دیاریكراوی عەرەبی-ئیسلامی پێكبهێندرێت بۆ ئەو مەبەستە و دوبارە ناردنەوەی هاوكاری بەگوێرەی بەرنامەیەكی پلان بۆ داڕێژراو دەستپێبكاتەوە.