بابەتە سەرەکیەکە: سەرۆکی ئەمریکا رایگەیاند، لە ئەگەر رێککنەکەوتن لەگەڵ ئۆکراینا سزای نوێ بەسەر روسیا دەسەپێنێت.

لێدوانی فەرمی: دۆناڵد ترەمپ سەرۆکی ئەمریکا لە کۆنگرەیەکەی رۆژنامەوانیدا رایگەیاند: ئەگەر روسیا دانوستان و رێککەوتن لەگەڵ ئۆکراینا رەتبکاتەوە، سزای نوێی بەسەردا دەسەپێنین، پاڵپشتی ئەمریکا بۆ ئۆکراینا دوپاتدەکەینەوە.

زیاتر: هەروەها لەبارەی چین وتی، ئیدارەکەم تاوتوێی سەپاندنی باج بەڕێژەی لە %10 لەسەر ئەو کاڵایانە دەکات کە لە چینەوە هاوردە دەکرێن لە 1ـی شوباتی ئەمساڵەوە، چونکە فێنتانیلی ماددەی هۆشبەر لە چینەوە رەوانەی مەکسیک و کەنەدا دەکرێت.

هاوکات: سەبارەت بە وڵاتانی یەکێتی ئەوروپا ئەوەی خستەڕوو، ئەوان زۆر بە خراپی مامەڵە لەگەڵ ئێمەدا دەکەن بۆیە باجیان لەسەر زیاد دەکرێت و دادپەروەرانە نابێت ئەگەر ئەوە نەکەین.

چی تر: سەبارەت بە کڕینەوەی تیکتۆک لەلایەن ئیلۆن مەسک رایگەیاند، رەزامەندی منی هەیە بۆ کڕینەوەی ئەگەر ئەو بیەوێت و خواستی لەسەربێت.