سەربەست نەجمەدین - BMC TV
بابەتە سەرەکییەکە: بەفەرمی کۆمپانیای مێتا تایبەتمەندیی بەستنەوەی ئەکاونتی واتسئاپ بە هەردوو تۆڕی ئینستاگرام و فەیسبوکەوە راگەیاند.
زانیاریی: تایبەتمەندییە نوێیەکەی مێتا بۆ واتسئاپ بریتییە لە بەستنەوەی ئەکاونتێک بە هەردوو تۆڕی کۆمەڵایەتی فەیسبوک و ئینستاگرامەوە، بەکارهێنەر دەتوانێت لەکاتی دانانی ستۆرییەک لە واتسئاپ لە هەمان کات و بەهەمان ناوەرۆک و شێواز دەتوانێت هاوبەشی پێبکات و لە ستۆرییەکانی ئینستاگرام و فەیسبوکیشدا بڵاویبکاتەوە.
زیاتر: کاراکردنی ئەم تایبەتمەندییە بەشێوەی بژاردەیە و بەکارهێنەر لەدەستی خۆیدایە، واتە پێشوەختە تایبەتمەندییەکە کوژاوەتەوە، یان دەتوانیت لە هەر کاتێکدا بڕیاری لابردنی بدەیت.
ئەمەش هەیە: بەکارهێنەرانی واتسئاپ دەتوانن لە رێگەی نوێکردنەوەی ئاپەکەیان سودمەندبن لەم تایبەتمەندییە و کەی ویستیان کارای بکەن یان ناچالاکی بکەن.