بابەتە سەرەکیەکە: جۆرە ماسییەک کە پێی دەوترێت ماسی ''رۆژی قیامەت'' لە کەناراوەکانی مەکسیک دۆزرایەوە.

کێ وتی: ماڵپەڕی بەغدادلیەوم لە زاری میدیا جیهانییەکانەوە بڵاویکردەوە، دوو گەشتیار لە کەناراوەکانی مەکسیک جۆرە ماسییەکیان دۆزیوەتەوە کە ناسراوە بە ماسی '' رۆژی قیامەت''.

ئاماژە بەوەکراوە: دۆزینەوەی ئەو جۆرە ماسییە ترس و دڵەڕاوکێی بۆ دانیشتوانی ئەو ناوچانە دروست کردووە، چونکە بۆچونی ئەفسانەكانی ژاپۆن وایە، هەر كاتێك ئەم جۆرە ماسییە لە كەنار دەریاكان بینرا، پێشبینی رودانی بومەلەرزەی بەهێز یاخود تسۆنامی دەكرێت.

زانیاری: ماسییەكە  جۆرێكی دەگمەنە و رەنگێكی زیوی  و سوری هەیە، قەبارەكەی نیو مەتر دەبێت، ئەم جۆرە ماسییە زیاتر لە قوڵایی دەریاكان دەژی، بە دەگمەن لە كەناراوەكان نزیك دەبێتەوە.

باکگراوند: پێشتر لە  ساڵی 2011 هەمان حاڵەت لە كەناراوەكانی ژاپۆن رویدا، دواتر بوومەلەرزەیەکی بەهێز ژاپۆنی هەژاند كە گوڕەکەی 9.0 پلەی رێختەر بوو ئەمەش بووە هۆی رودانی تسۆنامی و زیاتر لە 15 هەزار كەس گیانیان لەدەست دا.