بابەتە سەرەکیەکە: کەشناسی هەرێم پێشبینی خۆی بۆ کەشی ئەمڕۆ و سبەی بڵاوکردەوە هاوکات، بە پێی پێشبینییەکانی کەشناسی عێراق شەپۆلێکی بەفر و باران ناوچە جیاجیاکانی هەرێم دەگرێتەوە.

راگەیەندراوی فەرمی: بەڕێوبەرایەتی کەشناسی و بومەلەرزەزانی هەرێمی کوردستان رایگەیاند، ئەمڕۆ سێشەممە ئاسمان ساماڵ دەبێت بەگشتى ، جگە لە بەشێک لەسنورى پارێزگاى دهۆک ئاسمان نیمچە هەور دەبێت لەگەڵ کەمێک دابارین لە ناوچە سنووورییەکانى ئەو پارێزگایە،  پلەکانی گەرما بەراورد بە دوێنێ بەرزدەبێتەوە.

ئاماژە بەوەشکراوە: سبەی چوارشەممە، ئاسمان بەگشتى نیمچە هەور دەبێت، پلەکانی گەرما  کەمێک بەرز دەبێتەوە بەراوورد بە تۆمارەکانی ئەمرۆ.

لایخۆیەوە: کەشناسی عێراق ئاماژەی بەوەکرد، پێشبینی دەکرێت لە ئەمڕۆوە شەپۆلی بەفر و باران لە ناوچە جیاجیاکانی هەرێم دەستپێبکات و بۆ ماوەی چوار ڕۆژ شەپۆلەکە بەردەوام بێت.