بابەتە سەرەکیەکە: سەرۆکی رەوتی هەڵوێست رایگەیاند، ئەو دانپێدانانەی بە
هاوڕێکەی کراوە، ئەو گرتە ڤیدیۆیانەی تۆماریکردووە بە ئاشکرا خۆی دایناوە.
لێدوانی فەرمی: عەلی حەمەساڵح سەرۆکی رەوتی هەڵوێست گرتە ڤیدیۆیەکی وەک
وەڵامێک بۆ هێزە ئەمنییەکانی هەولێر بڵاوکردەوە تێیدا ئاماژەی بەوەکرد، ''لەدوای
ساڵی 2022 هیچ پاسەوانێکم نەماوە و ئەو رۆژەی مامۆستایان و فەرمانبەرانی ناڕازی ویستیان
بێنە هەولێر و لەبەردەم بارەگای نەتەوەیەکگرتووەکان خۆپیشاندان بکەن، ئادەم عوسمان
پەیوەندیکرد نەیویست بەتەنیابم بە ئۆتۆمبێلەکەی خۆی هات بە شوێنمدا.''
ئەوەشی وت: ''پێیانوایه ئیعترافاتێكی زۆر گه‌وره‌یان ده‌ستكه‌وتوه من بە ئاشکرا وێنە و
ڤیدیۆی شەقامەکان و بەردەم نەتەوەیەکگرتووەکانم کردووە و لە پەیجی خۆم بڵاومکردووەتەوە،
دواتر هەر شوێنێک کوردی بێت یان عەرەبی لای خۆیەوە بڵاویدەکاتەوە.''
ئاماژەی بەوەشکرد: ''دەیانەوێت کۆمەڵێک تۆمەتی ناڕەوا بکەنە ئەستۆی هاوڕێکەم،
بەڵام ئەمە لێدانە لە کەسایەتی من باجی ئه‌و هه‌وڵه زۆرانه‌یه كه له‌گه‌ڵ خه‌ڵكدا
بوم بەڵام سەرەڕای ئەوانەش به‌رده‌وام ده‌بم
پشتیوانی خەڵک.''