بابەتە سەرەکیەکە: دوای تێپەڕبونی 15 رۆژ لە مانگرتن، مامۆستا و فەرمانبەرە مانگرتوەکانی پارێزگای سلێمانی مانگرتنیان هەڵپەسارد. 

لێدوانی فەرمی: هادی حەمەڕەشید مامۆستای مانگرتو، لە کۆنگرەیەکی رۆژنامەوانیدا رایگەیاند: سوپاسی سەرجەم ئەو کەس و لایەن و چالاکوان و راگەیاندنکار و تیمی تەندروستی و هێزە ئەمنییەکان دەکەین، کەلەماوەی 15 رۆژی رابردودا لەگەڵمان بون و جێیان نەهێشتین، لێرەوە لەژێر فشاری خەڵک و دایکی شەهیدان و مامۆستایان و فەرمانبەرانی هاوپیشەمان و کەسوکارمان، بڕیارماندا مانگرتنەکەمان هەڵپەسێرین.

ئەمەشی وت: ئەگەر بمانزانیایە هەوڵی جدی لە دەرەوە هەیە، تا مردن بەردەوام دەبوین، لەژێر فشاری ئەو دایکانەداین کە لە چەند رۆژی رابردو دا بە قورئانەوە هاتونەتە ناو خێمەکانمان و داوایان کرد مان بشکێنین.

زیاتر: بەداخەوە ئۆپۆزسیۆنی ساختە نەیانتوانی پەیامەکانمان بگەیەنن و بە پێچەوانەوە هەر رۆژە و تۆمەتێکیان بۆ دروست دەکردین، بۆیە گلەیی زۆرمان لە ئۆپۆزسیۆن هەیە، هەروەها لەماوەی 10 ساڵی رابردودا چەندین رێگە و خەباتی مەدەنیمان بۆ داواکردنی مافە داراییەکانمان گرتوەتە بەر.

چی تر: بەڵام حکومەت گوێی بە داواکانمان نەدواوە، هیوادارین ئەم چالاکییە مەدەنییەمان بوبێتە هۆکارێک کە حکومەت راچڵەکێنێت و بەدەم داواکارییەکانمانەوە بێت.